Казанда “Туган тел – тарихи хәтер чыганагы һәм мәдәни мирас” дип исемләнгән Бөтенроссия фәнни конференциясе узачак. Бүген Татарстан Премьер-министры урынбасары, Милли Шура рәисе Васил Шәйхразыев әлеге чарага әзерлек буенча киңәшмә уздырды. Утырышта Бөтендөнья татар конгрессы Башкарма комитеты җитәкчесе Данис Шакиров та катнашты.
Конференциягә килгән делегатлар өчен Кукмара, Буа һәм Арча районнарына экскурсияләр дә оештырылачак. Киңәшмәдә аның программасы хакында да фикер алыштылар.
