Алтай крае губернаторы вазыйфаларын вакытлыча башкаручы Виктор Томенко Алтай краенда 17 июньдә узачак Төбәкара Сабантуйга әзерлек барышын тикшерү өчен Бирюзовая Катунь махсус икътисадый зонасына килде. Сабантуй узачак мәйданда аны Алтай крае Төбәк татар милли-мәдәни мохтарияте рәисе Әнвәр Солтанов һәм татар җыр-биюләре белән мохтарият әгъзалары каршы алды, В.Томенкога татар түбәтәе кидерде.