21 августта Кабан күле яр буенда Татарстанның халык артисты Рөстәм Абязов җитәкчелегендәге La Primavera Казан камера оркестры бушлай концерт бирәчәк.
Чара кичке сәгать 18.00дә башлана. Программага музыкант һәм композитор Ильяс Камалның әсәрләре дә кертелгән. Тамашачылар төрле жанрдагы әсәрләрне – халык музыкасыннан алып эстрада җырларына кадәр ишетә алачак.
Концертта Халыкара конкурслар лауреатлары Артур һәм Эльза Исламовлар, Илгиз Мөхетдинов, Тинчурин театры оркестры солисты Дамир Батталов катнашачак.
Программаның бер өлеше Тинчурин театры оркестры белән берлектә башкарылачак.
