Бүген Татарстан Республикасы Премьер-министры урынбасары, Бөтендөнья татар конгрессының Милли Шура рәисе  В.Г. Шәйхразиев Татар халкының үсеш стратегиясе буенча фикер алышу һәм тәкъдимнәрне барлау максатыннан Татарстанның бер төркем радио һәм телевидения, басма һәм электрон матбугат журналистлары белән очрашты. Милли шура рәисе белән очрашуда “Татарстан –Яңа гасыр” телерадиокомпаниясе, «Татар–информ» мәгълүмат агентлыгы, “Ватаным Татарстан”, “Татарстан яшьләре” газеталары һ.б. мәгълүмат чаралары вәкилләре катнашты.