9 сентябрь көнне Илһам Шакировның туган авылы – Тукай районы Яңа Бүләк авылында Илһам Шакиров истәлегенә бюст ачу тантанасы узачак.
Бу хакта бүген журналистлар белән узган очрашуда Илһам Шакировның туганы Руфия Зарипова хәбәр итте.
“Бюстны Санкт-Петербургта сынчы Венера Зәвиевна ясады. Бюст Илһам Шакиров музее каршында булачак. Безнең өчен Илһам абый – бөек җырчы гына түгел, туган абый да. Без аның белән горурланып яшибез. Илһам абый премиясен булдыру – татар җырын пропагандалау гына түгел, аның исемен мәңгеләштерү буенча олы эш тә”, – диде Руфия Зарипова.
