Бүген Яңа Чишмә районында Татарстан Республикасының Архив эше буенча дәүләт комитетының “Гаилә тарихында гасырлар кайтавазы-тарихта без эзлебез” фестиваленең зона этабы уза.
Нурлат районын фестивальдә Зарифуллиннар гаиләсе тәкъдим итә.
Аларның тарихи фотофактлар белән баетылган шәҗәрәләре жюри әгъзаларының югары бәясен алды, ә тамашачыларда зур кызыксыну уятты.
Зона этабында Зарифуллиннар үзләренең гаилә ядкарьләрен күрсәтте, буыннан-буынга күчеп килгән гореф-гадәтләре турында сөйләде, бигрәк тә Бөек Ватан сугышы елларында хәрби самолет сатып алу өчен акча җыюны оештырган легендар бабалары турында сөйләделәр. Сталинның рәхмәт сүзләре язылган хат гаиләдә әле дә саклана.
