ТАҺИРОВ ИНДУС РИЗАК УЛЫ — Бөтендөнья татар конгрессы Башкарма комитетының 1992-2002 еллардагы рәисе, Бөтендөнья татар конгрессының Милли Шура әгъзасы.

1936 елның 24 маенда Шөгер районы Иске Шөгер авылында (хәзер Лениногорск районында) туган.

Белеме

1963 елда Казан Дәүләт университетының “СССР тарихы” белгечлеге буенча Тарих һәм филология факультетын тәмамлаган.
Тарих фәннәре кандидаты (1967)
Тарих фәннәре докторы, профессор (1979)

1966-1975 елларда — КДУның Ватан тарихы кафедрасы ассистенты.
1975-1980 елларда — КДУның Ватан тарихы кафедрасы доценты.
1980-1995 елларда — КДУ тарих факультеты деканы.
1983-1992 елларда — КДУның СССР тарихы кафедрасы мөдире (1992 елдан башлап Хәзерге заман Ватан тарихы кафедрасы дип үзгәртелә).
1992-2002 елларда — Бөтендөнья татар конгрессы Башкарма комитеты рәисе.
1995-2004 елларда — Татарстан Республикасының халык депутаты.
2004-2009 елларда — ТР Дәүләт Советының өченче чакырылыш депутаты, «Бердәм Россия» сәяси фиркасе.
2009-2012 елларда — КДУның Ватан тарихы кафедрасы мөдире.
2012 елдан — КФУның Ватан тарихы кафедрасының профессор-консультанты.

«Дуслык» ордены, 2021 ел;
Татарстан Республикасы Президентының Рәхмәте, 2019, 2020, 2021;
«Татарстан Автономияле Совет Социалистик Республикасы төзелүгә 100 ел» медале, 2019;
«Фидакарь хезмәт өчен» медале, 2016;
Татарстан Республикасы Фәннәр Академиясенең «Фәндә казанышлары өчен» алтын медале, 2016;
«Парламентаризм үсешенә өлеш керткән өчен» Татарстан Республикасы Дәүләт Советының Мактау билгесе, 2015;
«Татарстан Республикасы алдындагы казанышлары өчен» ордены, 2006;
«Казанның 1000 еллыгы истәлегенә медале», 2005;
Халыклар Дуслыгы ордены, 2003 ел;
«Санкт-Петербургның 300 еллыгы истәлегенә» медале, 2003;
«Хезмәт ветераны», 1988;