Саратов районы имам-мөхтәсибе Фәнил хәзрәт Бибарсов Петров районының Яңа Оз (Новая Усть-Уза) татар авылында булды. Ул анда Җәмигъ мәчетендә җомга намазы үткәрде. Россия Мөфтиләр шурасы шул турыда хәбәр итә.
Хөтбә барлык мөселманнар өчен мөһим көн – җомга көненә багышланган иде. Фәнил хәзрәт Бибарсов җомга намазының кыйммәте һәм исламда мәчетләрнең роле турында сөйләде.
Җомга намазыннан соң мөселманнар чәй табыны янында аралашты.
Имам-мөхтәсиб мөселманнарны кызыксындырган сорауларга да җавап бирде.
Чара азагында Яңа Оз имамы Рафик хәзрәт Измайлов җыелучыларга рәхмәт белдерде, узган елга йомгак ясады, планнар билгеләнде, диелә хәбәрдә.
