Быел ул 34нче тапкыр оештырыла һәм “Россия – Ислам дөньясы” халыкара икътисади форумы мәдәни программасының кульминациясе булачак. Болгар җыенына 40 меңгә якын кеше килер дип көтәләр. Россиянең 80гә якын төбәгеннән дин әһелләре катнашачак. Җыенга килгән һәркем Мөхәммәт Пәйгамбәр белән бәйле кадерле ядкәрләрне күрә алачак. Болгарга быел ничек барып җитәсе? Кунакларны нинди программа әзерләп көтәләр?