Махсус хәрби операциядә катнашучыларга волонтерлар даими ярдәм итеп тора. Татарстанда “Солдатка аш әзерлибез” дип аталучы проектка бик теләп кушылалар. Төрле районнарда яшәүче апалар яшелчә киптерә, ярымфабрикатлар әзерли. Балтач районының Чутай һәм Нөнәгәр авылында ел башыннан бирле СВОдагы егетләргә дип 20 мең данә “коры аш” җибәргәннәр. Ризыкны ай саен төрләндереп торалар. Хәзер менюда 9 төрдәге аш бар.