Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Саха (Якутия) Республикасына килде. Биредә ул Платон Алексеевич Ойунский һәйкәленә чәчәкләр салды.
Монумент бронзадан коела, шактый массивлы һәм аз катлы архитектура ансамбле фонында доминант булып күренә. Һәйкәл 2003 елда тантаналы рәвештә ачылган һәм үзәк мәйданда урнашкан. Ул П.А.Ойунский фигурасыннан скульптур төркем һәм «П» хәрефе формасында эшләнгән металл арка. Зурлыгы 9 га 12 метр булган аркада язучының әсәрләреннән цитаталар китерелгән.
Монумент республика мирасы буларак дәүләт тарафыннан сакланырга тиешле тарих һәм мәдәният һәйкәлләре исемлегенә кертелде.
