Таҗикстан Республикасына эш сәфәре кысаларында Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев Торсынзадә шәһәрендәге Т-34 танкы һәйкәленә чәчәкләр салды.

Әлеге Т-34-85 танкы 1944 елда чыгарыла, Венгрия һәм Австрияне азат итү өчен, Берлин өчен сугышларда катнаша. Сугышны 1945 елның 1 маенда Прагада тәмамлый. Соңыннан ул Таҗикстанга 16-нчы танк бригадасы составында күчерелә. 1987 елда аны Торсынзадә шәһәрендәге Җиңү паркында урнаштыралар.