Бүген, 16 гыйнварда, Адыгея Республикасына эш сәфәре кысаларында Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев Кошехабль авылында булды.
Сәфәр вакытында Васил Шәйхразыев Кошехабль авылы үзәге белән танышты. Программа кысаларында Мәңгелек утка чәчәкләр салынды, бу геройлар һәм Ватанны саклаучылар истәлегенә хөрмәт күрсәтүне символлаштырды. Чәчәк салганнан соң адыг әдәбиятына нигез салучы Тембот Магометович Керашев һәйкәленә бардылар.
Программада төп чараларның берсе Кошехабль авылы мәчетенә бару булды. Бу мәчет төбәктәге иң мәһабәт архитектура корылмаларының берсе булып тора. Аның төзелеше ислам архитектурасының классик элементларын һәм Россиянең төрле почмакларында, шул исәптән Казан һәм Грозныйда төзелгән мәчетләрнең үзенчәлекләрен берләштерә.
