Чиләбе өлкәсенә эш сәфәре кысаларында Татарстан Премьер-министры урынбасары, Бөтендөнья татар конгрессы Милли Шура рәисе Васил Шәйхразыев Кунашак авылындагы «Теремкәй» балалар бакчасына барды. Биредә ул «Балалар Сабантуе» бәйрәмендә катнашты.

Чара барышында балалар үзләренең милли мәдәнияткә булган сәләтләрен күрсәттеләр. Васил Шәйхразыев яшь буынны милли традицияләрдә тәрбияләүнең әһәмиятен ассызыклады. Очрашу истәлеге итеп, ул һәр балага татар телендә китаплар һәм Казаннан алып килгән чәк-чәкләр бүләк итте. Бу бүләкләр кечкенәләргә үз телләрен һәм мәдәниятләрен тагын да ныграк яратырга ярдәм итәчәк.