Татарстан Республикасы Премьер-министры урынбасары, Бөтендөнья татар конгрессының Милли Шурасы рәисе Васил Шәйхразыев Татарстан Республикасы Рәисе Рөстәм Миңнеханов исеменнән «Идел-Урал» легионының 825 нче батальонында татарлар өчен көрәшләрдә һәлак булган сугышчы-татарларга куелган һәйкәлгә чәчәкләр салды.
2009 елның 10 ноябрендә Беларусь Республикасының Витебск өлкәсендә Бөек Ватан сугышында фашистларга каршы көрәштә һәлак булган ватандашларыбыз – татарлар истәлегенә һәйкәл ачылды. Ул Копти авылыннан ерак түгел урында урнашкан.
Һәйкәл авторы – танылган скульптор, Беларусь рәссамнар берлеге әгъзасы Азат Торосян. Һәйкәл – данлыклы «өч линейка» винтовкасы штыгын хәтерләткән ясалма кызыл граниттан эшләнгән обелиск.
