Ульяновск өлкәсендә кабат матур яңа башлангычка нигез салынды. Өлкә үзәгенең Идел аръягы районында Ислам мәдәни үзәге ачылды. Узган ел шундый үзәк шәһәрнең Зөяаръягы районында эшли башлаган иде. Хәзер бу үзәкләрдә кан-кардәшләребез намаз уку, дини бәйрәмнәребезне уздыру белән бергә гарәп һәм татар телләрен өйрәнү курсларына да йөри һәм мәдәни чараларны да үткәрә алачаклар. Өлкә һәм шәһәр җитәкчелеге белән уртак тел табып бина алуга ирешү, аны төзекләндерү һәм яңа эшне оештыру серләре белән Рамис Сафин таныштыра.