Түбән Камада җирле рәссамнарның «Көзге вернисаж» традицион күргәзмәсе ачыла.
Күргәзмә 24 сентябрьдән 24 октябрьгә кадәр Кама яр буендагы музейда уза. Ачылу – пәнҗешәмбе көнне 15.00 сәгатьтә.
Вернисажда 30 дан артык рәссам катнаша, танылган рәссамнар белән беррәттән яшь авторлар да үз иҗат җимешләрен тәкъдим итәчәк.
Әхсән Фәтхетдинов музее һәр атнаның сишәмбе-шимбә көннәрендә иртәнге 10 нан кичке 6 га кадәр эшли. Ачылу көнендә күргәзмә бушлай, калган көннәрдә билет бәяләре – 40 – 100 сум.
