Бүген, 29 августта, Бөтендөнья татар конгрессы үткәргән Милли Шура утырышы кысаларында Татарстан Премьер-министры урынбасары, Милли Шура рәисе Васил Шәйхразыев һәм Татарстан Фәннәр академиясе президенты Мәкъзүм Сәлахов галим Касыйм Йосыповка Татарстан Республикасы Фәннәр академиясенең шәрәфле әгъзасы дигән исем тапшырдылар.
⠀
Касыйм Мөхәммәтназиф улы – татар галиме, икътисад фәннәре докторы, профессор, Россия Табигый фәннәре академиясенең хакыйкый әгъзасы, Россиянең, Татарстанның һәм Башкортстанның атказанган фән эшлеклесе.