Изге Шәгъбан аеның җомгасында Әгерҗе районының Иж-Бубый авылында 1895 елда Мөхәммәтҗан бай төзеткән мәчет бинасына ай куелды. Аның манарасының 1940 елда кисеп төшерүләрен авыл халкы әле дә яхшы хәтерли. Киләсе елга 120 еллык юбилеен билгеләп үтәчәк тарихи мәчет хәзер юлдан узып йөрүчеләрне алтын йөгертелгән ярымае белән каршы алып, озатып калачак, дип хәбәр итә “Әгерҗе хәбәрләре” басмасы.

http://dumrt.ru