Ульяновск шәһәренең Татар мәдәният үзәгендә​ Татарстан​ мөселманнары Диния нәзарәте тарафыннан​ әзерләп бастырылган “Кәлам Шәриф. Мәгънәви тәрҗемә” басмасы —​ Коръәннең татар теленә тәрҗемәсе төбәгебез мөселманнарына тәкъдим ителде.​ Изге китабыбыз Коръәни-Кәримне тәкъдим итү чарасында​ мәркәзебез Казаннан мәртәбәле кунаклар​ —​ ​ Татарстан Республикасының баш казые Җәлил хәзрәт Фазлыев һәм Казанның Ислам динен кабул итүгә 1000 ел исемендәге мәдрәсә ректоры Ильяс хәзрәт Җиһаншин, шулай ук өлкәбезнең дин әһелләре, татар милли-мәдәни автономия җитәкчеләре дә катнаштылар.

«Кәлам Шәриф. Мәгънәви тәрҗемә»сенең яңартылган басмасы 2020 елда Татарстан мөфтие​ Камил хәзрәт Сәмигуллин йөкләмәсе буенча, Россиянең татарлар күпләп яшәгән төбәкләрендә түләүсез тарату өчен, махсус тираж белән чыгарылган. Күптән түгел​ Ульяновск өлкәсенә дә изге китабыбыз килеп ирешкән иде. Ул өлкәбез мәчетләренә​ таратылды.

Рузия Халимова

Ульяновск