Әдәбият елы уңаеннан Мамадыш районы Кече Кирмән авылы якташларын җыйды. Мәскәүдә яшәүче Ринат Мөхәммәдиев, Казаннан Әлфәт Закирҗанов авылдашлары белән эчкерсез аралаштылар.

Бергә үскән авылдашларын, аларны тәрбиләгән өлкән буынны сораштырып утырдылар. Һәрвакыт аралашып яшәүче якташлары Рафаил Газизов һәм Вәрис Гали үзләрен бик бәхетле тойдылар. Авылдашларының да сораулары һәм рәхмәтләре дә чын күңелдән иде.