Сергачның “Лидер” ФСКсы базасында 2020 елда үтәргә тиешле яшүсмер егет-кызлар арасында билбаулар белән көрәш буенча Россия беренчелеге берничә тапкыр уңайсыз эпидемиологик вазгыять булу сәбәпле күчерелде.

Бөтенроссия билбаулар белән көрәш федерациясе 2021 елга кабул иткән ярышлар календаре кысаларында шушы милли турнир 15-18 майда үтәр дип билгеләнгән. Бу хакта “Туган як” Түбән Новгород өлкәсе иҗтимагый-сәяси газетасы хәбәр итә.