Интернет челтәрендә видеоклиплар һәм телевидение тапшырулары таратучы “Дөнья” студиясе “Татар мөнбәре” аналитик әңгәмәләр сәхифәсе ачып җибәрә. Бөтендөнья татар конгрессы Башкарма комитеты оештырган студиянең беренче аналитик тапшыруы татарлыкны саклау темасына багышланган. Римзил Вәли алып барган әңгәмәдә БТК Башкарма комитеты рәисенең беренче урынбасары Ринат Вәлиуллин, мәгариф белгече, физика-математика фәннәре кандидаты Марат Лотфуллин, журналист Рәшит Минһаҗ катнашалар.