18 февральдә Казан шәһәренең 171 нче мәктәп базасында “Тел сагында ир-егетләр” исемле иҗади бәйге узды. Дүрт командага бүленеп, ир-ат мөгаллимнәр – татар теле һәм әдәбияты укытучылары – төрле биремнәрне үтәде. Гран-прины Совет районын тәкъдим итүчеләр яулады.
Чарада Бөтендөнья татар конгрессының Мәгариф комитеты җитәкчесе Рөстәм Гыйльметдинов катнашты. Ул бәйгедә катнашучыларны һәм тамашачыларны Конгресс исеменнән сәламләп, 4 команданың капитаннарына бүләкләр тапшырды.
