Бүген, 4 октябрь, Ульяновск өлкәсенән делегация Бөтендөнья татар конгрессында кунакта булдылар.

Кунакларны Бөтендөнья татар конгрессы Башкарма комитеты җитәкчесе Данис Шакиров һәм Бөтендөнья татар конгрессы Башкарма комитеты җитәкчесенең беренче урынбасары, Россия Федерациясе төбәкләрендәге татар иҗтимагый оешмалары белән эшләү комитеты җитәкчесе Марс Тукаев сәламләде. Данис Шакиров һәм Марс Тукаев делегатлар белән киләчәк хезмәттәшлек мәсьәләләре турында фикер алышты.

Шулай ук делегатлар  Бөтендөнья татар конгрессы структурасы, аның тарихы һәм биредә эшләп килүче проектлар белән таныштылар.