Бүген Россиянең милләттәшләребез күпләп яши торган байтак республика һәм өлкәләрендә шул төбәкнең тарихына, аннан чыккан танылган шәхесләренә багышлап һәртөрле форумнар, фәнни-гамәли конференцияләр уздырыла, китаплар чыгарыла. Түбән Новгородта “Фәезханов укулары”, Ульяновскида “Кулаткы укулары”, Төмәндә “Сөләйманов укулары”, Пензада “Тенишев укулары”шундыйларның кайберләре генә… Ә республикабызның Кукмара районы исә тирә-күрше төбәкләрдә яшәүче тарихчыларны, татар җәмәгать эшлеклеләрен чираттагы “Мәчкәрә укулары”на җыйды. “Шәҗәрә-милләтнең тамырлары”дип аталган конференциядә яңгыраган фикерләрне Рамис Сафин тыңлап кайтты.