Бүген Казанда XIV Бөтенроссия татар дин әһелләре форумы башланып китте. Форум делегатлары килеп, теркәлү уза башлады. Аларны Казанның “Татарстан”, “Мирас”, “Амакс Сафар”, “Релита” һ.б. кунакханәләрендә теркиләр. Шулай ук делегатлар «Россия – ислам дөньясы: KazanForum 2024» XV Халыкара икътисадый форумына ИТ-паркта аккредитация уза.

Форумга Россия Федерациясенең 77 регионыннан барлыгы 1000 дин әһеле килүе көтелә. Делегатлар өчен эчтәлекле программа әзерләнгән.

Бүген алар “Kazan Expo” Халыкара күргәзмәләр үзәгендә “Россия-Ислам дөньясы: KazanForum” Халыкара икътисадый форумы кысаларында оештырылган “Russia Halal Expo 2024” күргәзмәсе белән танышачаклар.