Быел “Татарча диктант” акциясенә тәүге тапкыр Салехард та кушылды. Диктантны биредә Халыклар дуслыгы йорты китапханәсендә яздылар.
Салехард бик кечкенә шәһәр. Бездә татарлар аз. Алар арасында күбесе себер татарлары. Шуңа күрә татар телен аз кеше белә. Быел без диктантны беренче тапкыр үткәрдек. Аны язарга 10 кеше килде. Диктантны Халыклар дуслыгы йорты китапханәсендә яздык. Алар без килүгә күргәзмә дә ясаганнар. Татарча китаплар, курчаклар, фотосурәтлэр урнаштырганнар, – дип сөйләде Салехард шәһәренең “Ватан” татар милли-мәдәни автономиясенең яшьләр бүлеге җитәкчесе Наилә Галиева.
