Бүген “Гасыр музее” конкурсының җиңүчеләре билгеле булачак. Әлегә өч музей үз урыннарында нык тора: Мамадыш туган якны өйрәнү музее, Озын Аландагы Молоствовлар утары (Тәтеш районы) һәм Ярослав Гашекның Әдәби-мемориаль музее (Бөгелмә районы). 23 июньгә иртәнге сәгать 10:00 га әлеге музейлар өчен 9882, 5150, 2158 кеше тавышларын биргән.
Исегезгә төшерәбез, бәйгедә катнашкан музейлар исемлегендә Галия Кайбицкая музее, Шөгердәге республиканың нефть чыгару тармагының чын тарихын күрсәтә торган нефть музее (Лениногорск районы), Болгар музей-тыюлыгы территориясендә Болгар цивилизациясе музее, Чистайда Борис Пастернакның Мемориаль музее, Шәрип Шәймиевнең музей-йорты, Биләр музей-тыюлыгы һәм башка бик күп музейлар бар.
