Бүген Бөтендөнья татар конгрессы Башкарма комитеты рәисе Ринат Закиров Чиләбе өлкәсе татарлары конрессының башкарма комитеты рәисе, Чиләбе өлкәсенең Законнар чыгару собраниесе депутаты Лена Колесникованы кабул итте.
Очрашуда сүз өлкәдә татар телен, мәдәниятын, гореф–гадәтләрен саклап калу һәм үстерү максатыннан алып барылган эшләр турында барды. Шул уңайдан, Чиләбе шәһәрендә уздырылып килүче “Татар кызы–2014” гүзәллек һәм сәләт милли бәйгесе хакында. Бәйгенең берничә сайлап алу турлары уздырылды, сентябрь аенда финал булачак.
Бөтендөнья татар конгрессы Башкарма комитеты рәисе Ринат Закировка Лена ханым Урал җирлегендәге татарлар тарафыннан җитештерелгән үзенчәлекле чәк–чәк бүләк итте.
