17 май көнне Чиләбедә яшәүче милләттәшләребез «Айгөл» татар халык бию ансамбленең отчет концертына җыелды. Тантаналы чара барышында коллективның 100гә якын артистлары сәхнә тотты. Бирегә Чиләбе өлкә Кануннар чыгару Җыены депутаты, Чиләбе өлкәсе татар конгрессы башкарма комитеты рәисе Лена Колесникова һәм Бөтендөнья татар конгрессы Башкарма комитеты җитәкчесе урынбасары Илгиз Халиков та килде.

Илгиз Илдар улы ансамбльгә “Татар халкының милли үзенчәлеген саклау” Татарстан Республикасы дәүләт программасын гамәлгә ашыру кысаларында тегелгән милли костюмнарны тапшырды.