Азнакай шәһәренең 3нче “Айсылу” балалар бакчасында Сабан туе бик тә күңелле узды. Анда шәһәрнең 9, 10нчы татар, районның Мәсгут, Илбәк, Тымытык балалар бакчалары да катнашты.
“Сабантуе милли уеннарга һәм бизәкләргә бай бәйрәм. Балалар көянтә белән су да ташыдылар, хәтта малайлар да кызлардан калышмады. Капчык киеп тә йөгерделәр, шигырьләр сөйләп, җырлап, биеп күңел ачтылар”, – ди бакчаның өлкән тәрбиячесе Роза Исламова.
Резеда Шәрипова
