Матур яшәү серләре нинди икән? Әлеге сорауга җавапны “Халкым минем” газетасының гыйнвар санында табарсыз. Бу санда шулай ук укучылар Төмән өлкәсе “Мирас” төбәк татар иҗтимагый оешмасы советы рәисе Луиза Шәмсетдинова белән әңгәмә, Ульяновск өлкә татар милли-мәдәни автономиясе башкарма комитеты рәисе, Ульяновск өлкәсе губернаторы каршындагы милләтләр Советы һәм мәдәниятне үстерү Советы әгъзасы, Бөтендөнья татар конгрессы Башкарма комитетының Бюро һәм Федераль татар милли-мәдәни автономиясенең Совет әгъзасы Рамис Сафин, милләтебезнең акыллы, милләтпәрвары Зөһрә–Мөслимова Баимбетова, 2014 елда узган “Татар моңы” Халыкара телевизион фестиваль, татарларда традицион ислам, татар яшьләренең “Калеб” яңа буын җыены турындагы һ.б. материаллар белән таныша ала. Моннан тыш газета битләрендә балалар өчен күчтәнәч сәхифәсе һәм 2015 елга йолдызлар фаразы да бирелгән.