Башкортстан татарлары конгрессы съездын үткәрүдә әзерлекләр бара. Съезд агымдагы елның 19 ноябрендә Уфа “Нур” татар дәүләт театрында узачак.

Быел исә ул Башкортстан татарлары конгрессының 25 еллык юбилее чикләрендә оештырыла.

1еннән 30 октябрьгә кадәр республикабызның барлык шәһәр һәм районнарында Конгресс бүлекчәләренең отчет-сайлау конференцияләре уза. Анда башкарылган эшләргә йомгак ясала, татар телен, мәдәниятен, йолаларын саклау һәм үстерү мәсьәләләре күтәрелә, алдагы елга эш һәм чаралар планы билгеләнә, съездга делегетлар сайлау каралган.