Бүген Димитровград шәһәренең “Времена года” хәләл кафесында Мәүлид бәйрәме уза. Бәйрәмгә бик күп кунаклар чакырулы. Мөхтәрәм кунаклар бәйрәм барышында чыгыш ясаячак, нәшидләр әйтеләчәк.

Мөселман кардәшләребезне әлеге чараны оештыручы – Димитровград шәһәре имам хатыйбы Ильяс хәзрәт каршы ала. Алар танылган рәссам, Мәләкәс районы Мукшы Күле авылы имамы Гимран хәзрәт Хисмәтуллов әзерләгән шамаилләр күргәзмәсе һәм җирле Ак калфак оешмасы рәисе Римма Афандееваның кул эшләре күргәзмәсе белән таныштылар.