Татарстан Республикасы Премьер-министры урынбасары, Бөтендөнья татар конгрессы Милли Шура рәисе Васил Шәйхразыев Кемерово шәһәренә эшлекле сәфәр вакытында Россия Дәүләт сәхнә сәнгате институтының филиалында булды.
Россия Дәүләт сәхнә сәнгате институтының Кемерово филиалы мәдәният һәм мәгариф өлкәләренең аерылгысыз бер өлеше булып тора. Ул Кемерово шәһәренең Ленин районында урнашкан һәм якынча 16 мең кв. м мәйданны били.
Уку йортында студентларны алты белгечлек буенча әзерлиләр: “Спектакльнең сәнгать бизәлеше технологиясе”, “Театр белеме”, “Актерлык сәнгате”, “Театр режиссурасы”, “Сценография”, “Продюсерлык сәнгате”, “Кино һәм телевидение режиссурасы”.
