Безнең һәрберебезнең ерак балачакта дөньяны ачкан телнең мәгънәсен бәяләү авыр. Ана телендә гаиләдә әкиятләр сөйләделәр, йөрәккә кадерле почмакта җырлар җырладылар, аның ярдәмендә без тирә-юньдәгеләр белән аралашырга өйрәндек.
Ләмберәнең беренче урта мәктәбе 3 «А» сыйныф укучылары туган татар һәм мордва телләре укытучылары Алмаз Кериш кызы Янгляева белән Марина Витальевна Пирогова, шулай ук мәктәпнең педагог-оештыручысы Зульфия Захир кызы Сюбаева белән бергә “Алмаз” каршындагы фольклор үзәгендә кунакта булганнар. Балаларны үзәк җитәкчесе Альфия Асым кызы Максимова җылы каршы алган һәм ул татар өе буйлап мавыктыргыч экскурсия үткәргән. Үзәк хезмәткәрләре татар көнкүреше атмосферасын яңарта алганнар: монда пичбашы – балалар йортының яраткан урыны, хуҗалык байлыгы салынган сандык, бишек…
Балалар зур кызыксыну белән экспонатлар арасындагы бишекне караганнар. Укучыларга тәкъдим ителгән милли костюмнар ошаган. Альфия Асым кызы балаларга татар халык әкиятләрен укыган, “Түбәтәй” татар уены уйнаганнар, шигырьләр яттан укыганнар, җырлаганнар, биегәннәр – милли мәдәният кочагында булып кайтканнар.
Чыганак: “Юлдаш” газетасы
