Узган елларда Ульяновск өлкәсе мәктәпләрендә татар теле атнасына өч-дүрт сәгать укытылган булса, хәзер бу сан кайбер мәктәпләрдә 1-2 сәгатькә генә калган, ә кайсыларында гомумән, ана теле нибары 25-30 минут кына укытыла. Моның сәбәпләрен ачыклау өчен өлкәнең татар, чуваш һәм мордва автономияләре төбәкнең мәгариф министрына һәм шәһәре мэрына мөрәҗәгать иттеләр. Югары дәрәҗәдә узган әлеге җитди очрашуларда безнең хәбәрчебез Рамис Сафин да катнашып анда яңгыраган фикерләрне тыңлап кайтты.