27 августтан 31 августка кадәр Казан шәһәренең «Идел» яшьләр үзәгендә күптән көтелгән вакыйга – XXXIV Татар яшьләре көне узды.
Башкортстаннан “Заман” татар яшьләре берлеге һәм “Татарча фатирник” активистлары бәйгеләрдә актив катнашты. “Идел моңы” бәйгесендэ җиңү яулаган Миләүшә Кадыйрованы; «Идел кызы» нда “Иң уңган кыз” номинациясына лаек булган Алия Мөхәммәтҗанованы; «Танцпол йолдызы» нда “Ин үзенчәлекле чыгыш” номинациясенә лаек булучы Инзилә Мөхәммәтшинаны тәбриклибез!
Яшьләр көнендә катнашучылар татар халкының бай мәдәниятенә һәм мирасына чумдылар. Татар тарихы, татар теле, декоратив-гамәли сәнгать буенча искиткеч лекцияләр һәм татар биюе буенча мастер-класслар үткәрелде.
