Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Луганск Халык Республикасында.

Сәфәр кысаларында Луганск Халык Республикасының татар иҗтимагый оешмалары активы белән очрашу узачак. Милли Шура рәисе шулай ук Кировск шәһәренең 3 нче мәктәбендә һәм тарих-сәнгать музеенда булачак.

Сәфәр уртак хезмәттәшлектә үткәрелә. Чараларда Архангельск һәм Оренбург өлкәләре татар милли-мәдәни мохтариятләре рәисләре Рим Кәлимуллин, Илдус Дәүләтов, шулай ук Самара өлкәсе татарларының «Дуслык» иҗади-иҗтимагый оешмасы рәисе Фәхретдин Канюкаев катнашачак.