Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Самара җире өчен күрсәткән хезмәтләре өчен Самара өлкәсе Губернаторының “Самара җире иминлеге хакына” дигән мактаулы билгесе белән бүләкләнде.

Самара өлкәсенең губернаторы Вячеслав Федорищев бүләкне төбәктәге татар җәмәгать оешмалары вәкилләре белән узган очрашу барышында тапшырды. Вячеслав Федорищев Васил Шәйхразыевка татар мәдәниятен саклау һәм үстерү, җәмәгать бердәмлеген һәм милләтара диалогны ныгыту юнәлешендә алып барган актив эшчәнлеге өчен рәхмәт белдерде. Ул Самара өлкәсе белән Татарстан Республикасы арасындагы хезмәттәшлекнең аеруча мөһим булуын ассызыклады.