Хөрмәтле укытучылар, мәгариф хезмәткәрләре!

Бөтендөнья татар конгрессының Милли Шурасы исеменнән һәм шәхсән үз исемемнән Сезне һөнәри бәйрәмегез – Бөтендөнья укытучылар көне белән тәбрик итәм.

Әлеге һөнәрнең никадәр изге, авыр һәм җаваплы булуына еллар узган саен ныграк төшенәсең. Татар халкында “Белем нур – белмәү хур” дигән мәкаль бар. Сез армый-талмый, үз кыйблагызга тугры калып, шушы белем дигән нурны сабыйларга, укучыларыгызга таратасыз.

Белемеңне, тәҗрибәңне балаларга, яшь буынга тапшыра белү бөтен кешегә дә бирелә торган сәләт түгел. Укытучылар кирәк чакта безне мактаучы да, яклаучы да, киңәшче дә. Без нинди генә дәрәҗәләргә ирешсәк тә, нинди генә һөнәр иясе булып хезмәт итсәк тә, барыбызның да хәреф танырга, укырга, язарга өйрәткән беренче укытучысы бар.

Кадерле укытучыларыбыз, мәгариф хезмәткәрләре! Гүзәл бәйрәмегез уңаеннан сезгә саулык-сәламәтлек, имин көннәр, күңел тынычлыгы телим. Гомерегез буе укучыларыгызның ихтирамын һәм рәхмәтен тоеп яшәргә насыйп булсын. Бәйрәм белән Сезне!

 

Олуг ихтирам белән,

Татарстан Республикасы
Премьер-министры урынбасары,
Бөтендөнья татар конгрессының
Милли Шура рәисе                                                          В.Г. Шәйхразыев