XIV Бөтенроссия татар авыллары эшмәкәрләре җыенының эшлекле программасы кысаларында делегатлар Тукай районында Наил Фәрраховның кошчылык фермер хуҗалыгы белән таныштылар.

Әлеге хуҗалык 1990 елдан башлап уңышлы эшләп килә. Хуҗалык кош-корт үстерү һәм сату белән шөгыльләнә. Россиянең күп кенә төбәкләре белән хезмәттәшлек итәләр, продукцияләрен саталар.

Сәфәр барышында эшкуарлар кошчылык өлкәсендәге заманча алымнар, сату базарларын киңәйтү мәсьәләләре буенча фикер алыштылар. Наил Фәрраховның тәҗрибәсе Россиянең төрле почмакларыннан килгән эшкуарлар өчен зур кызыксыну уятты.