Бүген «Милли тормыш һәм дин» XVI Бөтенроссия татар дин әһелләре җыенының пленар утырышында баш мөфти, Россия мөселманнары Үзәк Диния нәзарәте рәисе Тәлгать хәзрәт Таҗетдин чыгыш ясады:
-Бу изге эшләр белән без быел 16 нчы тапкыр очрашабыз. Татарстан Республикасы Рәисе Рөстәм Нургали улы Миңнехановка, Бөтендөнья Татар конгрессына зур рәхмәт белдерәм. Шунысы куанычлы, илебездә 8 меңгә якын мәчет бар, алар киләчәктә тагын да артыр. Мәктәп-мәдрәсәләребез нәтиҗәле эшләп килә, – диде үз чыгышында Тәлгать хәзрәт.
Шулай ук Шәйхел-Ислам Тәлгать хәзрәт Таҗетдин Татарстан Республикасына, Татарстан Рәисе Рөстәм Нургали улына алга таба да дини мәсьәләләрдә, икътисади өлкәдә, мәдәният һәм башка өлкәләрдә дә дәрт, куәт белән уңышлы эшләргә насыйп булсын дигән изге теләкләр теләде.
