Беларусь Республикасының Мөселман дини берләшмәсе Идарә рәисе, мөфтие Әбү-Бәкер хәзрәт Шабанович «Милли тормыш һәм дин» XVI Бөтенроссия татар дин әһелләре форумының пленар утырышында чыгыш ясады. Ул форум делегатларын һәм кунакларын Беларусь Республикасында яшәүче мөселманнар исеменнән сәламләде.

«Бу чара башланыр алдыннан мин залның алгы өлешендә басып тордым һәм катнашучыларны күзәттем. Миңа һәрберегезнең йөзен күрергә, сезнең әби-бабаларыгызны, безнең татарларның, бакыйлыккка күчкән әти-әниләрен, туганнарының чалымнарын шәйләргә теләдем», – дип билгеләп үтте ул.

Беларусиядә бүген якынча 10 мең татар яши. «Безнең татар милләте Беларусь җәмгыяте һәм дәүләтчелегенең нигезен тәшкил итте. Бездә исламофобия юк, халык безне хуплый, ә дәүләт эшлеклеләре хөрмәт күрсәтә. Шулай килеп чыкты, шулай формалашты ки, без белорус җәмгыятенә тыгыз үрелгән. Безнең хөрмәтле Президентыбыз Александр Григорьевич Лукашенко бервакыт: «Сезне, татар-мөселманнарны, сезнең территориядә күпме?» – дип сорагач, җавап шундый булды: «Без белоруслар белән бергә ун миллион!»

Шулай ук Әбү-Бәкер хәзрәт татар мөселман өммәтенә соклануын белдерде: «Гасырлар дәвамында Аллаһны, гаиләне, хезмәтне һәм тынычлыкны кадерләүче мөселман татарларының үзәге формалашты».

Беларусь Республикасының Мөселман дини берләшмәсе мөфтие Бөтендөнья татар конгрессы белән уртак мөһим чараларны билгеләп үтте: «Күптән түгел Бөтендөнья татар конгрессының интеллектуаль десанты Беларусиягә килде. Өч атналык конференцияләр, семинарлар халыклар бердәмлеге символы булды. Форумнар һәм очрашулар татар оешмалары арасында рухи потенциалны сакларга ярдәм итә. Гомуми сөйләшүләрдән алынган сабакларны көндәлек тормышта куллану мөһим».

«Казан – ислам мәдәнияте үзәге булып тора. Бу безне киләчәк буыннар өчен мирасны сакларга мәҗбүр итә. Без гомуми файда өчен берләшергә һәм уртак эш итәргә чакырабыз. Бер-беребезгә ярдәм итеп, без мөселман мәдәниятенең дәрәҗәсен күтәрә һәм кыйммәтләребезне саклый алабыз», – дип билгеләп үтте Әбү-Бәкер хәзрәт Шабанович.