Кичә Заречный паркында «Сабантуй – 2026»өлкә татар бәйрәме узды. Чарада милли-мәдәни берләшмәләр вәкилләре, иҗат коллективлары, халык һөнәрләре осталары һәм Төмән өлкәсе халкы катнашты.
Бәйрәм тантаналы программа белән ачылды, анда төбәкнең хакимият органнары, иҗтимагый оешмалар һәм татар җәмәгатьчелеге вәкилләре катнашты. Төмән өлкәсе Губернаторының сәламләвен Төмән өлкәсе милләтләр эшләре буенча Комитет рәисе Роман Рзаев укыды. Бәйрәм кунакларын сәламләүчеләр арасында Төмән өлкә Думасы Рәисенең беренче урынбасары Андрей Артюхов, Төмән шәһәр Думасы рәисе Светлана Иванова һәм Төмән шәһәре башлыгының беренче урынбасары Юрий Баранчук бар иде.
Кунаклар өчен татар хуҗалыклары күргәзмәсе, сәүдә рәтләре, Сабантуй остаханәләре, милли уен мәйданчыклары һәм спорт ярышлары эшләде. Төп сәхнәдә иҗат коллективлары катнашында концерт программасы узды, ә бәйрәм конкурс җиңүчеләрен бүләкләү һәм этнодискотека белән тәмамланды. Бәйрәм Россия халыклары бердәмлеге елының чаралар планы кысаларында узды.
