Төмән өлкәсенең Тубыл округында «Себер бавырсагы» гастрономия фестивалендә катнашу өчен гаризалар кабул ителә.
Фестиваль 18 июльдә Прииртышье бистәсендәге спорт-сәламәтләндерү комплексы территориясендә узачак. Быел чара алтынчы тапкыр үтәчәк.
Фестивальдә милли ризыклар һәм эчемлекләр җитештерүчеләр, халык һөнәрләре һәм сувенир осталары, иҗат коллективлары, эшмәкәрләр һәм һөнәрчеләр катнашачак.
«Бу — үз продукцияңне тәкъдим итү, кунакларны гореф-гадәтләр белән таныштыру өчен яхшы мөмкинлек», — дип хәбәр итә Тубыл округы администрациясе.
