Казанда “Ак бүре” нәшриятында “Милләткә багышланган гомер” исемле яңа китап дөнья күрде.
Әлеге китап – Гали авылы эшкуары, күп еллар җирле “Туган тел” татар җәмгыяте рәисе, Бөтендөнья татар конгрессы башкарма комитеты әгъзасы булган, Гали авылында үткәрелгән беренче Бөтенроссия авыллар сабантуе, ат чабышлары, “Халкым минем” фестивале кебек матур чаралар үткәреп, халкы өчен хәләл малын һәм үзен жәлләмәгән Расих Мөҗаһит улы Латыйповның истәлегенә багышланган хатирәләр җыентыгы.
Бу җыентыкта Расих турында истәлекләр, үзе исән вакытта матбугат битләрендә дөнья күргән язмалар урын алган.
Төзүчесе — Татарстанның атказанган мәдәният хезмәткәре Гөлназ Шәйхи.
