24 апрельдә Дагыстанда Татар әдәбияты көнен билгеләп үтәчәкләр. Бу хакта мәгълүматны Дагыстан татарларының “Туган тел” иҗтимагый оешмасы җитәкчесе Эльмира Кадыйрова “Инстаграм”дагы рәсми битендә хәбәр итә.

Аның сүзләренчә, программа кысаларында Р.Гамзатов исемендәге Милли китапханәдә татар әдәбияты күргәзмәсе узачак. Алга таба ул даими эшләп тора һәм тулыландырыла торган татар әдәбияты стендына күчәчәк. Ул татар язучылары иҗаты белән танышырга теләүчеләр өчен ачык булачак, ди Кадыйрова.

Шуны да билгеләп үтәргә кирәк, бәйрәм итү татар шагыйре Габдулла Тукай туган көненә багышланган.