29 июньдә Алабуга Мәдәният йортында XVI «Нечкәбил-2021» республика күләмендәге ана матурлыгы һәм гаилә конкурсы үтәчәк.
Мәдәният сарае сәхнәсендә Татарстанның төрле почмакларыннан килгән катнашучылар чыгыш ясаячак.
«Нечкәбил» конкурсы — кешеләрнең гаилә җылысы, буыннар чылбыры аша, мәрхәмәтлелек, мәхәббәт, Туган илне, Туган җирне ярату аша рухи берләшүе ул. Бәйге Татарстан Республикасы Президенты ярдәме белән һәм «Нык гаилә» федераль партия проекты кысаларында уза.
